Baada ya kuwa na ubishi wa muda mrefu kati ya marapa wawili ambao ni ndugu Joh Makini pamoja na Niki wa Pili juu ya nani ni mkali zaidi kati yao, wakali hawa sasa wameamua kumaliza ubishi kwa kutengeneza kazi ya pamoja ambayo mwisho wa siku utaleta majibu kuwa ni nani anaweza zaidi.
Hii itakuwa ni kupitia albam ya pamoja ambayo itatoka hivi karibuni ambayo Niki na Joh watakuwa wakijipimia uwezo ndani yake na kuwapatia mashabiki nafasi ya kuamua mshindi wenyewe, ambapo hivi sasa tayari wametanguliza zawadi ya ngoma mpya ya pamoja inayokwenda kwa jina Bei ya Mkaa.
Albam hii ambayo tayari imekwishaanza kushughulikiwa, ni moja ya kazi ambayo mashabiki wa wasanii hawa kwa sasa watakuwa katika hamu kubwa kutaka kuisikia, na inatarajia kuweka historia mpya katika gemu ya burudani na itakuwa imekamilika baada ya miezi miwili kutoka hivi sasa.
Albam hii kwa mujibu wa Niki wa Pili, Itazinduliwa kwa Tour kubwa na kuwasilishwa moja kwa moja kwa mashabiki ili kupima wenyewe ni nani mkali hasa kati ya yeye na Joh.
