Ni kundi ambalo hivi sasa limekuwa likishika headlines
mbalimbali Afrika Mashariki si wengine bali ni The Urban Boys kutoka nchini
Rwanda Kigali ambao hivi sasa wamepata bonge moja la shavu la kusafiri kuelekea
nchini Ubelgiji kutumbuiza katika tukio la kumtafuta Miss and Mister
Rwanda/Belgium 2013.
Ni wiki chache zilizopita kundi hilo lilitangazwa kuwa
washindi wa shindano kubwa la kutafuta nyota wa muziki nchini humo la Super
Star Season Three ambapo mmoja wa memba wa kundi hilo anayeitwa Safi
Niyibikora, aka Safi Lee, ameelezea kufurahi sana kupata nafasi hiyo ambayo
itawapa fursa ya kuweza kujitangza zaidi kimataifa.
Shindano hilo linatarajiwa kufanyika huko Brussels, Belgium
tarehe tano mwezi Oktoba mwaka huu huku ikiwa ndio mara yao ya kwanza kabisa
kutumbuiza nchini humo na barani Ulaya japokuwa wamekuwa wakipata mashavu
kadhaa ya kutumbuiza Afrika Mashariki.
