Doreen apatana na Danielle

doreen

 Yule mwanadada mwanamitindo ambaye nusura avunje ndoa ya mwanamuziki Chameleone siku za nyuma kidogo, Doreen Kabareebe kwa sasa anaelekea kuwa amekwishatengeneza mambo yake na familia ya mwanamuziki huyu hasa baada ya kuonekana pamoja katika pozi za kirafiki na mke wa msanii huyu, Bibie Danielle Atim.

Tukio hili la kuwashangaza wengi limetokea hivi karibuni na kuzua tafsiri tofauti tofauti hasa ikizingatiwa kuwa, Doreen alikwishawahi kupatikana akiwa amekumbatiana na Chameleone akiwa katika kivazi cha mitego sana, tukio ambalo lilinaswa na paparazi na picha zake kuweza kumuudhi

sana mke wa msanii huyu.

Hata hivyo kwa hali ilivyo sasa imeonekana kuwa pande hizi mbili zimeshashughulikia tofauti zao na sasa wanatazama mbele kufanya mambo mengine ya maendeleo.