JOSE MOURINHO AMTIMIZIA NDOTO KIJANA MSAFISHA MITAA ALIYESAFIRI KUTOKA MAREKANI KWENDA SPAIN KUONA EL CLASSICO - NA KUMPA KAZI REAL MADRID

 

 

Soka ina muda mchache kwa stori za kugusa moyo siku za hivi karibuni, lakini kama kuna mtu anaweza akatengeneza stori za kugusa mioyo ya watu basi ni Jose Mourinho Special One.

Katika stori ya kusisimua, Meneja wa Real Madrid ameweza kuyabadilisha maisha ya raia mmoja wa Mexico kutoka kuwa msafisha stesheni za treni mpaka kuwa mmoja ya watu muhimu ndani ya timu yake.

Abel Rodriguez, 41, ambaye alikuwa akifanya kazi ya kusafisha stesheni za treni jijini Los Angeles, alitumia fedha zake chache anazopata kupitia kazi kusafiri mpaka ulaya na kujaribu kuangalia El Clasico dhidi Barcelona mapema mwezi wa pili mwaka huu.

Bila kuwa na tiketi, au hata sehemu ya kufikia jijini Madrid, kijana huyo wa kimexico alikuwa na tumaini kwamba angepata nafasi ya kuuona mchezo huo mkubwa duniani pamoja na kuweza kukutana na wachezaji.

Kibahati bahati, Rodriguez alifanikiwa kufika kwenye uwanja wanaofanyia mazoezi Real -Valdebebas training complex mara baada ya kufika Spain, akiwa na mpango wa kuwaona mashujaa wake wakiwa kwenye maandalizi ya mechi.

Hakuwa na namna yoyote ya kuweza kuruhusiwa kuonana nao, ingawa miezi michache zilizopita alifanya ya bila malipo kama kijana muokota mipira (ball boy) wakati Real Madrid wakiwa kwenye pre-season huko California, lakini hilo halikuwafanya walinzi wamruhusu kuwasogolea wachezaji wa Madrid.

Akiwa hana shilingi, hana pa kwenda huku matumaini ya kuwaona mashujaa wake kwenye El Clasico,Rodriguez alikuwa amejikalia pembezoni mwa barabara kwa takribani masaa matano - then miujiza ikatokea.

Rodriguez aliyezunguzishiwa duara akiwa ndani ya Old Trafford na Cristiano Ronaldo

'Ilikuwa ni miujiza nilimuona yule kijana,' Mourinhoanakumbuka kwa kuwaelezea Sports Illustrated. 'Nilimuona Abel akiwa amekaa pembezoni mwa barababa nje ya uwanja wa mazoezi.
'Nilikuwa naondoka kwenye gari la msaidizi wangu Rui Faria, na kulikuwa na watu wengi nje, lakini nikwambia Rui asimamishe gari, "Simamisha gari - ni yule kijana wa Los Angeles".'
'Amigo! fanya nini hapa?? Mourinho alimuuliza Abel akiwa ndani ya gari.
'Nimekuja kuwatembelea nyie,' Abel Rodriguez alijibu. 'Ni mara yangu ya kwanza kujs ulaya, na ndoto yangu ilikuwa kuja kuona mechi zenu. Hasa El Clasico.'
'Lakini zimeshaisha zote,' Mourinho alisema. 'Unaishi wapi sasa??'
'Sijafanya chochote kuhusu jambo hilo,' Mmexico akajibu. 'Kipaumbele changu kilikuwa ni kuwaona nyinyi halafu ningepanga mipango yangu. Kama nisingewaona - ningeenda uwanjani kujaribu kupata tiketi. Na kama hilo lisingefanikiwa basi ningerudi nyumbani.'

Then Mourinho akaamua kumpangia Rodriguez ambayo Real walikuwa wanakaa kujiandaa na mchezo dhidi ya Barcelona na akampa tiketi ya VIP.

Lakini Mourinho hakuishia hapo.

Rodriguez aliwasaidia Real Madrid kuvaa jezi hizi kwenye mechi ya mtoano ya Champions League pale Old Trafford

Wakati wa chakula cha usiku kuamkia siku ya Clasico, Mourinho akampa ofa rafiki yake mpya Rodriguez ya kuwa mmoja ya wafanyakazi wa Real - kama mtunza vifaa wa muda wa Los Blancos - wakati zikiwa zimebaki siku mbili kupambana na Manchester United.

Mourinho alisema: 'Nilimwambia hakuna namna angerudi nyumbani kwao, nikamwambia nitaenda nae jijini Manchester akafanye kazi kama mtunza vifaa vyetu. Nilimwambia atusadie kwa mechi hiyo na atapata nafasi ya kushuhudia mechi kubwa ya ligi ya mabingwa wa ulaya ndani ya Old Trafford.'
Rodriguez alirudi chumbani kwake na kuchukua passport yake ili maandalizi ya kazi yake mpya yaanze kufanyika. Kwa kufurahishwa na kilichotokea akaanza kulia katika meza ya chakula waliyokaa wachezaji wa Madrid.

Siku chache baadae, alikuwa ndani ya Old Trafford, akiwa amevaa sare rasmi ya Real na akiwapangia jezi wachezaji ndani ya vyumba vya kubadilishia nguo.

Rodriguez alipata nafasi ya kuiona timu yake ya Madrid ikishinda dhidi ya Barcelona kwenye el clasico ndani ya uwanja wa Bernabeu

Baada ya ushindi uliozua utata ndani ya Old Trafford, Rodriguez akijikuta ndani ya chumba cha Manchester United akikusanya jezi za wachezaji wa United zilizosainiwa na wachezaji wenyewe na akafanya hivyo pia kwa upande wa wachezaji wa Madrid.
Pia aliagizwa na Sir Alex Ferguson akamwite Mourinho kwa ajili ya utamaduni wao wa kunywa mvinyo kila baada ya mchezo unaowakutanisha.

Rodriguez alirudi nyumbani kwao LA na jezi zilizovaliwa na wachezaji kama Javier Hernandez, Mesut Ozil, Kaka na Michael Essien, na mmoja wa mpira uliochezewa siku hiyo.

Akikumbuka wakati akimuaga mkewe aitwaye Olga na watoto wake watatu wa kike huko LA wakati akija ulaya kujaribu kuiona timu yake aipendayo, Rodriguez alisema: 'Nilikuwa na mashaka sana juu ya kwenda ulaya, lakini ushawishi mkubwa ulikuja kutoka kwa mke wangu, ambaye aliniambia, 'Inabidi uende. Imekuwa ndoto yako kwa muda mrefu.'

KIBEGA SASA ATEMBEA NA BAUNSA WAWILI

KIBEGA

Msanii wa muziki wa kizazi kipya toka mtwara Rahim a.k.a Kibega (dume la shida) jana ameshindwa kufanya shoo alipotakiwa kupafom kwenye tamsha la Pepsi baada ya cd ya ngoma yake kushindwa kucheza kwenye mashine ya dj

Baada ya cd hiyo kugoma kucheza kwenye mashine hiyo ndipo alipotakiwa kuimba kwa kutumia beat ya nyimbo nyingine ya nje ambapo kibega alikataa kwa madai kuwa atakuwa anaendelea kuwatukuza wanamuziki wakubwa mpaka lini wakati yeye ana ngoma zake na zinafamnya poa kwenye radio na tv station

Ishu nyingine klwa kibega ni pale alipopata wakati mgumu licha ya kutokuimba ila baada ya kushuka jukwaani ndipo alipofuatwa na mashabiki wake wakitaka awaachie namba za simu kitu ambacho ilimlazimu kibega awe chini ya mabaunsa wawili kuhofia kuporwa vitu vyake na mashabiki wake hao

Swiraty blog ilipiga story na kibega kuhusu tukio hilo ambapo kibega alisema kuwa hali hiyo imetokana na kupendwa kwake na mashabiki wake hao ambao hawajamuona mda mrefu akifanya shoo

NATURE AKATISHWA INTERVIEW YA TELEVISHENI KISA KAVAA NDALA

JUMA NATURE

Msanii mkongwe na maarufu nchini, Juma Kassin Kiroboto, aka Nature, ameonyesha kukerwa na kile kilichoendelea jana usiku katika kipindi cha burudani cha televishen inayotizamwa africa ya mashariki alipokuwa akifanya nao interview. Nature alionekana akiwa amevaa kawosh na ndala na mara baada ya mahojiano mafupi ya mwanzo ambapo mtangazaji alisema watarejea baada ya mapumziko mafupi Nature hakuonekana tena. Kilichotokea kwa mujibu wa Nature mwenyewe, ni wakati wa mapumziko hayo, mtangazaji wa kipindi hicho alimfata na kumuambia kuwa hataendelea na interview tena kwasababu ya mavazi aliyokuwa kavaa ambayo ni ndala na kawosh. kuonyesha kukerwa kwake na ishu hiyo Nature aliamua kuandika kupitia ukurasa wake wa facebook....

Juma Natur Kibla

hivi kwa mfano angekuwepo mzungu pale na kavaa ndala wangesitisha mahojiano na kuvaa kaoshi ni tatizo,kunywa nimekunywa bt kuna baya nimeliongea na hivi kama kweri we nimuandishi wa habari unaruhusiwa kuvaa vile kisheria kama yule mtangazaji nimeboreka kinoma na ikiwezekana nasitisha kuanzia ssa kupeleka ngoma zangu pale siitaji interview

YANGA YAENDELEA KUANDAA DOZI YA AZAM

yanga wakiwa mazoezini(picha na maktaba)

 

kikosicha Young Africans leo asubuhi kimeendelea na mazoezi katika uwanja wa Mbegani nje kidogo ya mji wa Bagamoyo ikiwa ni sehemu ya maandalizi ya mchezo wake dhidi ya timu ya Azam Fc siku ya jumamosi katika Uwanja wa Taifa jijini Dar es salaam.

Young Africans ambayo imeweka kambi katika hoteli ya Kiromo - Bagamoyo tangu jana mchana kujiandaa na mchezo huo, leo asubuhi imefanya mazoezi chini ya kocha mkuu Brandts, kocha msaidizi Fred Felix 'Minziro' na kocha wa makipa Razaki Siwa huku wachezaji wote wakiwa katika hali nzuri kiafya na kiakili kuelekea katika mchezo wa jumamosi.

Kikosi cha mholanzi Ernest Brandts kinaonekana kuwa kwenye hali nzuri na wachezaji wote wanaoekana kuwa kwenye ari ya mchezo huo wa jumamosi kwani mechi hiyo ndio itakayotoa taswira ya msimamo wa Ligi Kuu kuelekea katika mbio za kutwaa Ubingwa.

Young Africans ambayo katika mchezo wake wa mwisho iliibuka na ushindi wa jumla ya mabao 4-0 dhidi ya timu ya African Lyon huku safu ya ushambuliaji wa timu ya Yanga ikionekana kuwa na uchu wa kucheka na nyavu katika kila mchezo.

Akiongea na www.youngafricans.co.tz Brandts amesema kikosi chake kipo katika hali nzuri, mazingira ya kambi ni mazuri, wachezaji wanapata fursa ya kukaa pamoja na kushiriki mazoezi kwa pamoja katika hali ya utulivu hali inayongeza umakini katika kuelewa maelekezo yake

 

Najua macho na masikio ya wapenzi wa soka nchini yansubiri kuona nini kitatokea siku ya jumamosi, ukweli ni kwamba huo ni mchezo muhimu sana kwetu ili kujijweka katika hali nzuri ya kuendelea kuongoza ligi , hivyo nachoweza kusema ni kwamba nimekiandaa kikosi changu ili kiweze kuibuka na ushindi katika mcheo huo siku ya jumamosi 'alisema Brandst'

Aidha Brandts alisema anafarijika kuwa na wachezaji wake wote 26 kambini kujiandaa na mchezo huo wa jumamosi, wachezaji wote wapo safi kiafya, kiakili na morali ya kuhakikisha tunapata ushindi katika mchezo huo, hivyo nashukuru kuwa fit kwa kikosi changu chote nitapata fursa ya kumtumia yoyote kati yao

Young Africans inaongoza msimamo wa VPL kwa kuwa na pointi 36 huku ikiwa imecheza michezo 16, imeshinda jumla ya michezo 11, imetoka sare michezo mitatu (3) na kupoteza michezo miwili (2) huku ikiwa imefunga jumla ya mabao 33 na kufungwa mabao 12 tu.

Nafasi ya pili inashikiliwa na timu ya Azam FC yenye pointi 33 ikiwa na mabao 27 ya kufunga na ikiwa imefungwa mabao 14 ambayo leo inashuka dimba la chamanzi kucheza na timu ya JKT Ruvu katika muendelezo wa michezo ya Ligi Kuu ya Vodacom.

MALKIA WA NYUKI AMALIZANA NA MILLOVAN

Rahma Al Kharoos

Na idrisa bandali
MFADHILI wa Simba SC, Bi Rahma Al Kharoos, amejitolea kulipa malimbikizo ya mishahara ya miezi mitatu ya aliyekuwa kocha wa klabu hiyo, Mserbia, Profesa Milovan Cirkovick, dola za Kimarekani 24,000 (kiaisi cha Sh Milioni 40,000).
Akizungumza na Waandishi wa Habari leo mchana katika hoteli ya Movenpick, Dar es Salaam, Rahma maarufu kama Malkia wa Nyuko, amesema kwamba amejitolea kumlipa kocha huyo kwa mapenzi yake kwenye klabu hiyo na kwa kuwa pia aliitumikia klabu, hivyo anadai haki yake.
“Sasa hivi kuna matatizo mengi, kwa hiyo timu haifanyi vizuri, wanachama hawajui waangalie nini, waaangalie matatizo ya kocha aliyetoka anadai fedha zake, au waaangalie timu kwa nini haifanyi vizuri,”alisema.
Alisema umefika wakati Simba lazima waondokane na hali hiyo na katka hilo, amesema hakuna haja ya kuoneana haya wala kuogopana.
“Nafikiri watu wengi wanasema kama mimi naweza kuburuzwa, mimi siburuziki, mimi nasema ukweli, kama tatizo lipo litatuliwe,”alisema.
Mama huyo ameshauri matatizo ndani ya Simba yaanze kutatuliwa kuanzia ndani ya uongozi, akiwashauri wakae chini na kutafuta suluhisho la muda mrefu.
“Siyo mambo ya kuzima zima moto, au mambo ya kuweka weka viraka, kama hili tatizo la kocha, ni la kukaa tu na kocha mwenyewe na kulitatua. Lakini mtu wao wenyewe wamemuita, amefika hapa wanamkwepa, akianza kusema sema maneno, kosa litakuwa la nani, kosa litakuwa la uongozi dhahiri.
Mimi nasema, nitalitatua hili tatizo, nitampa kocha fedha zake kwa sababu ni haki yake. Mtu katoka kwao kule, amekwishawafanyieni kazi, mpeni haki yake, ya nini mnamzungusha? “alihoji Malkia wa Nyuki.
Aidha, Malkia wa Nyuki amekana dhana kwamba yeye anaburuzwa ndani ya Simba, akisema; “Kwa hiyo mimi nasema, nawaambia watu wa Simba, hamna mtu anayeniburuza hapa, wala siogopi mtu, kitu kinachotakiwa tuanze kujisafisha,”alisema.
Amelaani kitendo anachofanyiwa Milovan, akisema inawezekana klabu hiyo ikamuhitaji tena baadaye, hivyo halitakuwa jambo zuri kuharibu uhusiano naye.
“Kwa hiyo ninamuomba msamaha kocha kwa matatizo yote, amenipa data zake za benki, nasafiri leo, nataka acheki akaunti yake Jumatano atapata fedha zake,” alisema.
Pamoja na hayo, Mama huyo amesema hakuridhishwa na kiwango cha timu, ambayo sasa iko chini ya kocha Mfaransa, Patrikc Liewig katika mchezo wa Ligi ya Mabingwa Afrika dhidi ya Recreativo de Libolo ya Angola, siku ambayo Wekundu hao wa Msimbazi walilala 1-0 nyumbani.
Simba ambayo ina makocha wasaidizi watatu, wazalendo Jamhuri Kihwelo ‘Julio’ na James Kisana na Mganda, Moses Basena sasa inatakiwa kushinda 2-0 ugenini wiki ijayo ili kusonga mbele kwenye michuano hiyo.
Milovan alitimuliwa Simba SC baada ya kumalizika kwa mzunguko wa kwanza wa Ligi Kuu ya Vodacom Tanzania Bara, Novemba mwaka jana timu hiyo ikishika nafasi ya tatu nyuma ya Yanga, inayoongoza hadi sasa na Azam inayoshika nafasi ya pili hadi ya sasa.

PINDA ,NCHIMBI KUWASILI MTWARA LEO

kutokana na hali ilivo hivi sasa nimlezimika kuweka hata habari za kijamaii ili kuwapa updates wadau wangu wa mtandao huuu.

Waziri Mkuu Mizengo Pinda

Tariifa ilizotibitishwa asubuhi ya leo na kamnda wa polisi Mkoa wa Mtwara Mary Nzuki ni kwamba waziri Mkuu Mizengo Pinda na Waziri wa Mambo Ya Ndani Emanuel Nchimbi wanawasili leo Mkoani Mtwara kwa ajili ya kujionea hali halisi ilivo hivi sasa

Dk Emanuel Nchimbi Waziri wa Mambo ya Ndani ya Nchi

"kwa sasa siwezi kukupa taarifa zilizo nzuri zidi juu ya matukio kwa kuwa niko barabarani kuelekea uwanja wa ndege kuwapokea viongozi wakubwa wa nchi ambao ni waziri mkuu na waiziri wa mambo ya ndani labda ukinipigia baadae nitakupa taarifa nzuri zaidi" alisema kamnda nzuki

YANGA NA PRISONS YA EMMANUEL GABRIEL TAIFA LEO, ITAKUWAJE?

YANGA

 Na Idrisa bandali

Vinara wa Ligi Kuu ya Vodacom Tanzania Bara, Yanga SC leo wanashuka dimbani kwenye Uwanja wa Taifa, Dar es Salaam kumenyana na Tanzania Prisons ya Mbeya katika mchezo wa kwanza wa mzunguko wa pili wa ligi hiyo. 

Yanga inayoongoza ligi hiyo kwa pointi zake 29, baada ya kucheza mechi 13, ikiizidi mbili Azam iliyocheza mechi 14 na tatu Simba SC iliyocheza 14 pia, ikishinda leo itaongeza idadi ya pointi za kuwazidi wapinzani wake hao katika mbio za ubingwa kama ilivyokuwa baada ya mzunguko wa kwanza. 

Katika mchezo wa kwanza wa ligi hiyo baina ya timu hizo mjini Mbeya, Yanga ililalizimishwa sare ya bila kufungana na Maafande hao wa Jeshi la Magereza. 

 Mambo yatakuwaje leo Uwanja wa Taifa, ikikumbukwa Yanga iliweka kambi ya wiki Uturuki, kujiandaa na hatua hii ya salama? twendeni Taifa tukashuhudia jioni ya leo, Prisons ikiongozwa na mshambuliaji wa zamani wa Simba na timu ya taifa, Emmanuel Gabriel Mwakyusa aliyekuwa mwiba kwa wana Jangwani hao, enzi zake akivaa jezi nyekundu ya Msimbazi.

NDANDA KUONDOKA JANUARY 25

Idrisa bandali afisa habari wa Ndanda

Timu ya Soka ya Ndanda Fc ya Mtwara inayocheza Ligi Daraja la Kwanza Taifa inatarajia kuondoka Mkoani Mtwara Ijumaa ya January 25 mwaka huu kuelekea Dar es salaam tayari kwa mechi zao mbili za ligi darja la kwanza

Akizungumza na SWIRATY BLOG katibu Mkuu wa Ndanda Fc Kachele amesema kuwa timu itaondoka mkoani mtwara ikiwa na wachezaji 12 huku wakitarajia kuungana na wachezji wengine mara baada ya kufika dar es salaam

Kachele amesema kulingana na taarifa zilizopo ni kwamba Ndanda watacheza mechi ya kwanza na timu ya Jeshi ya Transit Camp n baadae kuumana na green worious kabla ya kurejea Mtwara tayari kwa mechi zao tano zitakazobakia katika uwanja wa nangwanda

Miongoni mwa wachezaji wanaotarajiwa kuingoza ndanda katika mzunguko wa pili wa ligi daraja la kwanza taifa ni pamoja na slumu Minel ambaye mzunguko wa kwanza aliiwezesha timu hiyo kushika nafasi ya tano baada ya kuifungia magoli muhimu katika mechi zake kadha

Ndanda inaondoka Mtwara huku Mashabiki wake waliokuwa wengi wakiwa wamepoteza imani ya timu hiyo kutinga ligi kuu kutokana na nafsi iliyopo na msimamo wa kundi lake

YANGA KURUDIANA NA WASAUZI JUMATANO MWANZA

 

Timu ya Young Africans Sports Club kesho alfajiri inatarajiwa kusafiri kuelekea jijini Mwanza ambapo siku ya jumatano itacheza mchezo wa kirafiki wa marudiano dhidi ya timu ya Black leopard kutoka nchini Afrika Kusini katika Uwanja wa CCM Kirumba.

Mchezo huo wa jumatano utakua ni fursa kwa wakazi, wapenzi wa soka wa kanda ya ziwa kuweza kuiona timu yao kwani tangu irejee nchini kutoka Uturuki imecheza mchezo mmoja tu wa kirafiki katika Uwanja wa Taifa jijini Dar es salaam, hivyo ni fursa nzuri kwa wapenzi wa soka kanda ziwa kuiona timu yao.

Katika mchezo wa kwanza Young Africans iliibuka na ushindi wa mabao 3-2 dhidi ya Black leopard huku mabao ya Yanga yakifungwa na Jerson Tegete mabao mawili na Frank Domayo akifunga bao moja na pia kuchaguliwa kuwa mchezaji bora wa mechi hiyo.

Kocha Mkuu Ernest aliomba kupata michezo miwili ya kirafiki kabla ya kuanza kwa mzunguko wa pili wa ligi kuu ya Vodacom ambayo inatarajiwa kuanza kutimua vumbi mwishoni mwa wikii hii katika viwanja tofauti, Yanga ikianza na timu ya Prisons siku ya jumapili.

Aidha Black Leopard ambayo iko nchini Tanzania kwa ajili ya maandalizi ya mzunguko wa pili wa ligi kuu nchini Afrika kusini PSL imesifia mchezo wa juzi dhidi ya Yanga na kusema ulikuwa mchezo mzuri na wakuvutia japokuwa walifungwa, lakini watajitahid kupata ushindi katika mchezo wao wa marudiano siku ya jumamosi.

Young Africans ambayo itatumia mchezo huo kama maandalizi yake ya mwisho, itaondoka kesho alfajiri na msafara wa watu 37, wachezaji 27, benchi la ufundi 7 na viongozi 3. 

Timu itarejea Dar es salaam siku ya alhamis jion tayari kabisa kwa kujiandaa na mchezo wa kwanza wa mzunguko wa pili wa ligi Kuu ya Vodacpm dhidi ya timu ya Prisons ya Mbeya.

Kuhusu viingilo vya mchezo huo ni vitakua ni Jukwaa Kuu Tshs 10,000/=,  na mzunguko Tshs 3,500/=(source: http://www.youngafricans.co.tz)

KIIZA TAYARI KUREJEA UWANJANI

hamisi kiiza

Na Idrisa Bandali

KIPA wa tatu wa Yanga SC, Yussuf Abdul na mshambuliaji Mganda, Hamisi Kiiza ‘Diego’ waliokuwa wanasumbuliwa na Malaria, wamepona na leo wamefanya mazoezi na wenzao kwenye Uwanja wa Mabatini, Kijitonyama, Dar es Salaam.

Wawili hao walikosa mchezo wa kujipima nguvu dhidi ya Black Leopard ya Afrika Kusini juzi kwenye Uwanja wa Taifa, Dar es Salaam, ambao timu yao ilishinda mabao 3-2.

Ofisa Habari wa Yanga, Baraka Kizguto ameiambia SWIRARTY BLOG leo kwamba, timu imeendelea na mazoezi leo na wachezaji wote wameshiriki wakiwemo Abdul na Kiiza.

Alisema kwa sasa Yanga haina majeruhi hata mmoja na inaendelea vema na mazoezi yake kujiandaa na mzunguko wa pili wa Ligi Kuu hya Vodacom Tanzania Bara unaoanza mwishoni mwa wiki.

Mabingwa hao wa Afrika Mashariki na Kati, katika kujiandaa na mzunguko huo wa pili wa Ligi Kuu, waliweka kambi ya wiki mbili Jijini Antalya, Uturuki kuanzia Desemba 30 mwaka jana hadi Januari 12 mwaka huu.

Katika kambi hiyo, pamoja na kufanya mazoezi ya nguvu ya ufukweni, uwanjani na gym, Yanga ilipata mechi tatu za kujipima nguvu dhidi ya Ariminia Bielefed ya Daraja la Nne Ujerumani waliyotoka nayo sare ya 1-1, kabla ya kufungwa 2-1 na Denizlispor FC ya Daraja la Kwanza Uturuki na 2-0 na Emmen FC ya Daraja la Kwanza Uholanzi.

Yanga ilimaliza mzunguko wa kwanza wa Ligi Kuu, ikiwa inaongoza ligi hiyo kwa pointi zake 29, baada ya kucheza mechi 13, ikifuatiwa na Azam iliyomaliza na pointi zake 24 na mabingwa watetezi, Simba SC waliomaliza na pointi 23. 

PINGAMIZI DHIDI YA WAGOMBEA TFF ZAITWA HARAKA

Malinzi Mgombea Urais TFF

Na Idrisa Bandali

BAADA ya kupitia fomu za waombaji uongozi Shirikisho la Soka Tanzania (TFF), Kamati ya Uchaguzi ya shirikisho hilo leo inaanza mchakato wa pingamizi dhidi ya wagombea.

Ofisa Habari wa TFF, Boniface Wambura Mgoyo amesema kwamba, leo saa 10:00 jioni Kamati ya Uchaguzi itabandika kwenye ubao wa matangazo wa TFF majina ya waombaji ili kutoa fursa kwa kipindi cha pingamizi.

Wambura amesema mwisho wa kupokea pingamizi dhidi ya waombaji uongozi ni Januari 26, mwajka huu saa 10:00 jioni.

Jumla ya watu 50 kati ya 52 waliochukua fomu kuomba kuwania nafasi mbalimbali za uongozi katika uchaguzi wa TFF utakaofanyika Februari 24, mwaka huu wamerejesha fomu hizo.

Waombaji ambao hawakurejesha fomu ni Geoffrey Nyange ‘Kaburu’ aliyekuwa akiomba ujumbe wa Kamati ya Utendaji kuwakilisha mikoa ya Morogoro na Pwani, na Shufaa Jumanne aliyekuwa akiomba kuwakilisha Kanda ya Dar es Salaam.

Orodha kamili ya wagombea waliorejesha fomu ni Athumani Nyamlani, Jamal Malinzi, Omari Nkwarulo na Richard Rukambura wanaogombea Urais, nafasi inayoachwa wazi na Leodegar Tenga anayeng’atuka, Michael Wambura, Ramadhani Nassib na Wallace Karia wanaogombea Makamu wa Rais, nafasi inayoachwa wazi na Nyamlani, anayehamia kwenye Urais.

Kwa upande wa ujumbe wa Kamati ya Utendaji ni Abdallah Musa, Salum Chama na Kaliro Samson (Kagera na Geita), Jumbe Magati, Mugisha Galibona, Richard Rukambura, Samuel Nyalla, Titus Osoro na Vedastus Lufano (Mara na Mwanza).

Epaphra Swai na Mbasha Matutu (Shinyanga na Simiyu), Charles Mugondo, Elly Mbise na Omari Walii (Arusha na Manyara), Ahmed Mgoyi na Yusuph Kitumbo (Kigoma na Tabora), Ayubu Nyaulingo, Blassy Kiondo, Nazarius Kilungeja na Selemani Kameya (Katavi na Rukwa) na James Mhagama na Stanley Lugenge (Njombe na Ruvuma).

Athuman Kambi, Francis Ndulane na Zafarani Damoder (Lindi na Mtwara), Hussein Mwamba na Stewart Masima (Dodoma na Singida), Farid Nahdi, Hassan Othman Hassanoo, Riziki Majala na Twahili Njoki (Morogoro na Pwani), David Lugenge, Elias Mwanjala, Eliud Mvella na John Kiteve (Iringa na Mbeya), Davis Mosha, Khalid Mohamed na Kusiaga Kiata (Kilimanjaro na Tanga) na Alex Kamuzelya, Juma Pinto, Muhsin Balhabou, Omari Abdulkadir na Shaffih Dauda (Dar es Salaam).

Aidha, waombaji wote sita wa uongozi katika Bodi ya Ligi Kuu (TPL Board) ambayo uchaguzi wake utafanyika Februari 22 mwaka huu wamerejesha fomu.

Kwa upande wa Mwenyekiti waombaji ni Hamad Yahya wa Kagera Sugar na Yusuph Manji wa Yanga wakati Makamu Mwenyekiti aliyeomba ni Said Mohamed wa Azam.

Nafasi mbili za ujumbe wa Bodi ya Ligi Kuu kwa klabu za Daraja la Kwanza zimeombwa na watu watatu. Waombaji hao ni Christopher Peter Lunkonde wa Moro United, Kazimoto Miraji Muzo wa Pamba ya Mwanza na Omari Khatibu Mwindadi.

BRANDTS KUINGOZA YANGA LEO KATIKA MECHI YA 14

Ernie Blandts

Na idrisa bandali

KOCHA Mholanzi, Ernie Brandts leo anatarajiwa kuiongoza Yanga katika mechi ya 14 tangu ajiunge nayo Septemba mwaka huu, akitokea APR ya Rwanda wakati itakapomenyana na Black Leopard ya Afrika Kusini katika mchezo wa kirafiki, Uwanja wa Taifa, Dar es Salaam.

Yanga SC iliyorejea wiki Jumapili kutoka Uturuki kwenye kambi ya wiki mbili mjini Antalya, imekuwa ikijifua katika Uwanja wa Mabatini, Kijitonyama tangu Jumatano kwa ujumla kujiandaa na mzunguko wa pili wa Ligi Kuu ya Vodacom Tanzania Bara.

Yanga leo itakutana na Black Leopard inayoshika nafasi ya 12 katika Ligi Kuu ya Afrika Kusini yenye timu 16, iliyowasili jana Dar es Salaam ikiwa na msafara wa watu 42 na kufikia katika hoteli ya White Sands, Mbezi Beach, Dar es Salaam.

Wachezaji wote walifanya mazoezi jana, kasoro kipa wa tatu, Yussuf Abdul na mshambuliaji Hamisi Kiiza 'Diego' wanaosumbuliwa na Malaria.

Katika mechi 13 ambazo Brandts ameiongoza Yanga hadi sasa tangu arithi mikoba ya Mbelgiji, Tom Saintfiet, ameshinda saba, kafungwa nne na kutoka sare mbili.

Kati ya hizo, mechi tisa ni za Ligi Kuu, ambazo amefungwa moja tu dhidi ya Kagera Sugar mjini Bukoba, wakati nyingine dhidi ya watani wa jadi, Simba SC alitoa sare ya 1-1 na saba ameshinda dhidi ya Toto African 3-1, Ruvu Shooting 3-2, Polisi Moro 3-0, JKT Oljoro 1-0, JKT Mgambo 3-0, Azam FC 2-0 na Coastal Union 2-0.

Nyingine zote za kirafiki kama ya leo, Yanga walifungwa 1-0 na Tusker Uwanja wa Taifa, Dar es Salaam kabla ya kwenda Uturuki, ambako walianza kwa sare ya 1-1 Ariminia Bielefed ya Daraja la Nne Ujerumani, kabla ya kufungwa 2-1 na Denizlispor FC ya Daraja la Kwanza Uturuki na 2-0 na Emmen FC ya Daraja la Kwanza Uholanzi.

REKODI YA ERNIE BRANDTS YANGA

Yanga 1-1 Simba SC            (Ligi Kuu)

Yanga 0-1 Kagera Sugar    (Ligi Kuu)

Yanga 3-1 Toto African      (Ligi Kuu)

Yanga 3-2 Ruvu Shooting  (Ligi Kuu)

Yanga 3-0 Polisi Moro       (Ligi Kuu)

Yanga 1-0 JKT Oljoro          (Ligi Kuu)

Yanga 3-0 JKT Mgambo     (Ligi Kuu)

Yanga 2-0 Azam FC             (Ligi Kuu)

Yanga 2-0 Coastal               (Ligi Kuu)

Yanga 0-1 Tusker                (Kirafiki)

Yanga 1-1 Ariminia Bielefed (Kirafiki)

Yanga SC 1-2 Denizlispor FC (Kirafiki)

Yanga SC 0-2 Emmen FC   (Kirafiki)

Yanga SC Vs Black Leopard (Kirafiki)

ROMA,AFANDE SELE KUPAGAWISHA WANANCHI WA MTWARA LEO

roma mkatoliki

 Na idrisa bandali
Msanii Mkongwe wa kizazi kipya Nchini Afande Sele leo atawaongoza wasanii wenzake watatu katika kuwapa burudani wananchi wa Mtwara katika viwanja vya mashujaa Mkoani Mtwara

Afande sele ama Mfalme wa Rhymes atatumbuiza wananchi wa Mtwara baada ya kuombwa na chama cha wananchi CUF ambao leo wanafanya Mkutano Mkubwa katika viwanja hivyo

wasanii wengine ambao wanatarajia kuwepo katika viwanja hivyo ni pamoja na Roma Mkatoliki,kundambanda na kalapina

afandesele

ujaji wa wasanii hao inasemekana kutachangia harakati za wanamtwara katika kudai haki zao za msingi kuhusu gesi

SUNZU AUZWA READING KWA BILLION 7 - AENDA KUFANYA VIPIMO VYA AFYA

Stopilla Sunzu

Sentahafu wa Zambia Stopilla Sunzu amechukua likizo fupi kutoka kwenye kambi ya timu ya taifa kwa ajili ya michuano ya AFCON 2013 ili apate nafasi ya kwenda nchini England kwenda kufanya vipimo vya afya kwa ajili ya kujiunga na klabu hiyo.

Sunzu ambaye anachezea klabu ya TP Mazembe ya DRC ambayo imeandika kwenye mtandao wake kwamba ada ya uhamisho ya $4.8million imeshakubaliwa na kilichobakia ni mchezaji kukamilisha vipimo vya afya. 

Mfungaji huyo wa penati ya ushindi ya Zambia dhidi ya Ivory Coast katika AFCON 2012, anatarajia kurudi Afrika ya kusini January 19, siku mbili kabla ya mabingwa watetezi kuchuana na Ethiopia katika mechi ya ufunguzi.

NDANDA YASHINDWA KUONDOKA

Timu ya soka ya Ndanda iliyokuwa iondoke leo kuelekea dar es salaam kwa ajili ya kuweka kambi ya maandalizi ya ligi daraja la kwanza Tanzania bara imeshindwa kuondoka hii leo

Akizngumza na Swiraty Blog Mwalimu msaidizi wa Timu hiyo Masoud maarufu kama morinyo amesema kuwa wameshindwa kuondoka leo na hawajuwi wataondka lini kutokana na kushindwa kupata taarifa rasmi toka kwa viongozi wa timu hiyo

"unajua sisi tulitakiwa kuondoka leo kwa mujibu wa kauli za viongozi hapo wali kwenda dar es salaam kwa ajii ya kambi kabla ya kucheza mechi zetu mbili za kwanza kule dar , sasa sijaua kilichosababisha tushindwe kuondoka leo" alisema masoud

Swiraty blog ilifamya jitihada za kumtafuta Moja kati ya wahisani wa timu hiyo MAMU mmiliki wa kiwanda cha maji ndanda ambapo alidai kuwa yeye yuko tayari hata sasa hivi timu kuondoka kwenda dar esa salaam lakini mtu wa mwisho kutoa kauli ni mwenyekiti wa Chama cha soka Mkoa Athumani Kambi

Kwa upande wake Mwenyekiti huyo wa chama cha soka mkoa wa Mtwara MTWAREFA Athumani Kambi hakuwea kuaptikana kuzungumzia sakata hilo la kushindwa kuondoka kwa timu hiyo ambayo ndio mwakilishi pekee wa mkoa wa Mtwara katika ligi daraja la kwanza